__ Volkslieder aus dem Oberwallis
__
für den Hausgebrauch eingerichtet
PU SO NU SO DE!
Text: Lea Imboden-Burgener
Melodie: Karl Burgener
Arr.: Javier Hagen
1
Vater, Müeter, loset mier jetz züe,
ich müess ew eppis sägu!
Ich han is Schatzji gfunnu!
Ich ha mi lang gibsunnu,
ob ich sus sellti näh, ja näh,
mu mis jung Härz soll gä, soll gä.
[R]
Das ischt friili so ni Sach!
Doch ich sägu mier eifach:
Pu so nu so de! Pu so nu so de!
Laascht sus jetz la graatu,
Pu so nu so de! Pu so nu so de!
Suscht tüescht firschi gschpatu!
Pu so, Pu so nu so de!
2
Soll i, soll i, oder soll i nit?
Han ich miessu freegu.
Äs ischt gar nit i Leida,
derzüä sogar in Gscheida.
Nur schiini chrummu Bei, ja Bei!
Und jeissu chad ́s fer zwei, ja zwei!
[R]
3
„Gimmer, gimmer grad is Munzi gschwind!“
So tüet schi richtig bättlu.
Doch hets mich scho gipfilut,
wies z andru Techtre schilut!
Da mäldut schich mit Wucht, mit Wucht,
in mier grad d Iifersucht, ja -sucht.
[R]
4
Währli, währli, schaffu chan äs güet,
wärchut fescht bis am Abund.
Doch allpott bringts i Fahnu!
De kiits us alle Bahnu.
Als Üsred und Bileg, Bileg,
gits d Schuld züe schiim Kolleg, Kolleg.
[R]
5
Friili, friili, plengu tüets mi schee,
ich mag fascht nimma gwartu.
Trotz alle dische Fehler wee
mier jetz doch vil wehler,
wier tetti Hochziit ha, ja ha.
De fengi d Liebi a, ja a!
[R]
Hauptstimme solo
Download: rechte Maustaste & "Dokument speichern
unter" wählen
BURGENER, KARL, ist in Zermatt geboren, 1939 Matura am
Kollegium Spiritus Sanctus in Brig, 1939-44 am Priesterseminar
in Sitten, Priesterweihe 1943, Pfarrer in Saas-Grund, St.
Niklaus und Herbriggen, Musikausbildung bei Charles Haenni in
Sitten und am Konservatorium Fribourg, Dirigent von
Kirchenchören und Blasmusiken, schuf eine grosse Zahl
religiöser Kompositionen: Messen, Offertorien, Motetten -
daneben aber auch eine Menge weltlicher Lieder, als
bekannteste 'Älplertanz', 'Sehnsucht nach dem Wallis', 'Mein
Dorf St. Niklaus'. Mit seinen Geschwistern Mitherausgeber des
1983 im Rottenverlages erschienenen "Walliser Liederbuches",
Verfasser von Werken zur Geschichte der ihm anvertrauten
Pfarreien und Kirchen und des Oberwalliser Cäcilienverbandes,
Mitbegründer des Schweizerischen Katholischen Kirchenmusik
Verbandes, Diözesanvertreter im Allgemeinen Cäcilienverband
der Länder deutscher Sprache. Burgener schrieb die meisten
seiner Texte selber. 1994 verstorben. https://de.wikipedia.org/wiki/Karl_Burgener
